महा-ई-सेवाकेंद्राबाबत

My photo
Wadod Bazar, maharashtra, India
महा-ई-सेवा-केंद्राच्या माध्यमातुन वडोद बाजार,व परिसरातील गावकऱ्यांना सातबारा एकुण जमिनीचा दाखला,तहसिल खात्याचे विविध प्रमाणपत्रे,रेल्वे रिझर्वेशन,सर्व प्रकारचे रिचार्ज व्हाउचर मिळतील एल.आय.सी चे हप्ते भरता येतील.Light Bill Collection Center. पत्ता - महा-ई-सेवा-केंन्द्र, मारोती मंदीरासमोर पोष्ट ऑफिस शेजारी,वडोद बाजार,ता-फुलंब्री,जि.-औरंगाबाद. ४३११३४

Wednesday, December 3, 2014

ई-लॉकर’

 आधार कार्डाशी संलग्न असलेली 'ई-लॉकर' ही सुविधा महाराष्ट्र सरकारने सुरू केली आहे.  नोकरीसाठीच्या मुलाखती, बँकेसंबंधी कामे किंवा अन्य कारणांसाठी आपली महत्त्वाची कागदपत्रे, शैक्षणिक प्रमाणपत्रे सोबत घेऊन फिरावे लागते.  कधी कधी तर एखादे महत्त्वाचे कागदपत्र ऐनवेळी घरीच विसरण्याचीही नामुष्की ओढवते.
कधी कधी तर एखादे महत्त्वाचे कागदपत्र ऐनवेळी घरीच विसरण्याचीही नामुष्की ओढवते. त्यामुळे कागदपत्रे सोबत घेऊन फिरण्याची ही कटकट संपुष्टात आणण्याच्या उद्देशाने राज्य सरकारने महत्त्वाचे पाऊल उचलले आहे. राज्य सरकारने ‘ई-लॉकर’ नावाचा एक उपयुक्त पर्याय उपलब्ध करुन दिला आहे. `ई-लॉकर’ सुविधा ही आधारकार्डशी संलग्न करण्यात आली आहे. आपल्या आधारकार्ड क्रमांकाचा वापर करून या सुविधेचा लाभ घेता येणार आहे.

`ई-लॉकर’ म्हणजे नेमके काय?

राज्य सरकारने `महा ई-लॉकर’ ही सुविधा पूर्णपणे मोफत सुरू केली आहे. या सुविधेच्या माध्यमातून जन्माचा दाखला, जातीचा दाखला, रहिवाशी दाखला, वैद्यकीय प्रमाणपत्र, शैक्षणिक प्रमाणपत्र इत्यादी सर्व महत्त्वाची कागदपत्रे `ई लॉकर’मध्ये अपलोड करता येतात. आपल्याला हवी ती कागदपत्रे आपण अपलोड करू शकतो अथवा कागदपत्रांची मागणी करताना संबंधित सरकारी कार्यालयात आपला आधार नंबर दिला असता `सॉफ्ट कॉपी’ आपल्या लॉकरमध्ये अपलोड केली जाईल. मात्र, या `ई-लॉकर’साठी आधार कार्ड असणे गरजेचे आहे.

सुविधा कशी वापरावी?

  1. elocker.maharashtra.govt.in या संकेतस्थळाला भेट द्या. इथे तुमचा 12 अंकी आधार क्रमांक टाकून `साइन अप’ करा.
  2. यानंतर तुम्ही आधार कार्डवेळी जो मोबाइल नंबर रजिस्टर केला आहे, त्या नंबरवर एक `वन टाइम पासवर्ड’ (ओटीपी) येईल. तो पासवर्ड अर्ध्या तासापर्यंत वापरता येईल, अन्यथा परत लॉगिन करावे लागेल. हा पासवर्ड टाकून `व्हॅलिडेट ओटीपी’ वर क्लिक करा.
  3. या प्रक्रियेनंतर तुम्हाला 6 अंकी पिन तयार करावा लागतो. हा पिन कायमस्वरुपी असतो.
  4. तुम्ही तयार केलेला पिन टाकून `व्हॅलिडेट पिन’वर क्लिक करा. तुमचा `महा डिजिटल लॉकर’ तयार होईल.
आता तुमच्या `महा डिजिटल लॉकर’वर तुम्ही तुमची महत्त्वाची कागदपत्रे अपलोड करू शकता. त्यासाठी `अपलोड डॉक्युमेंटस्’वर क्लिक करा. त्यात विविध कागदपत्रांचे पर्याय आहेत. ही डॉक्युमेंटस् केवळ पीडीएफ, जेपीईजी, पीएनजी, बीएमपी किंवा जीआयएफ या फॉरमॅटमधीलच असावी लागतात.

ई लॉकरचा फायदा काय?

या ई-लॉकरमुळे कधीही, कुठेही आपली महत्त्वाची कागदपत्रे हवी असतील, तर त्यावेळी फक्त आधार नंबर दिल्यास, आपल्या मोबाईल नंबरवर पासवर्ड येईल, तो टाकल्यास हवी ती कागदपत्रे डाऊनलोड करता येतील.